خليك نايم أوعى تقوم
أوعى تحس بألم الكون
خليك نايم أوعاك تصحى
أوعى تقول
ايه اللي بيحصل في الدنيا
ايه اللي بيجرى وبيكون
-----
ناس مقتولة وناس مدبوحة
طفل صغير ملهوش ذنب
وواحد ندل ومعاه كلب
نهش اللحم وكسر العضم
ولساك نايم
خليك نايم أوعى تقوم
--------
طفلة بريئة في وسط زحام
تلعب تمرح تصحى تنام
لكن الندل ماسبش الناس
تفرح مرة
وكانت مُرة ان الطفلة تموت والأهل
وخليك نايم أوعى تقوم
------
شيخ وكبير
قاعد يدعي رب بصير
إنه يخفف ألم الأمة
لكن همّا
مش عايزين الألم يقل
ضربوا الشيخ وقطعوا كتابه
حرقوا المسجد هدموا الدار
خليك نايم ع الغدار
------
بنت وأم
ماشية في حالها في وسط الهم
مالهاش دعوة بشي في الدنيا
كل ماتتمناه الأم
ان البنت تصير دكتورة
لكنها ماتت محسورة
أصل الدكتورة السنيورة
ماتت برصاص مقتولة
مين اللي قتلها يا جدعان
واحد ندل وكلب جعان
وخليك نايم أوعى تقوم
------
أوعى تقوم وتقول جرى ايه
اللي بيحصل ده كدة ليه ؟؟
شيخ ويموت
ليه عمل ايه ؟
ولا الطفل ليه مقتول
مين الطفلة جنب السور
كله يقوم
لازم برده الكل يثور
لازم نعلن للبشرية
إن الناس دي غالية عليا
فين الندل وفين الكلب
عايز أقتص لأم وأب
أم بتدمع على أطفالها
ماتوا .. اتقتلوا يا حسرة قلب
أب بيبكي على أولاده
جد حزين على أحفاده
لازم أقتص معتش نايم
فات خلاص زمن النوم
اصحى وفوق انت وهو قبل ما يجي علينا الدور
اصحى وفوق انت وهو قبل ما يجي علينا الدور